АСТАНА, 3 желтоқсан — Sputnik. АҚШ-тың Аляска штатындағы Анкоридж қаласында жойқын жер сілкінісі кезінде бір отбасының ажалдан қалай аман қалғаны видеобақылау камераларына түсіп қалды.
Қорқынышты бейнежазба YouTube-тегі ViralHog арнасында жарияланды.
Видеода әкесі қызымен бірге үстелде отырғаны көрінеді. Бір кезде ғимарат қимылдай бастайды. Ер адам баласын алып, далаға жүгіреді, артынан үрейі ұшқан әйел жүгіріп шығады.
"Бейнебақылау камералары 7,0 балдық жер сілкінісінен қалай аман қалғанымызды түсіріп алды. Бұл үлкен дүрбелең тудырды", — деп жазды үй иесі.
Белгілі болғандай, отбасы мүшелерінің ешқайсысы зардап шеккен жоқ.
- Бұрын-соңды болмаған жойқын дауылдың видеосы таралып жатыр
- Қыз үйіндегі бақылау камерасына түскен видеоны көріп, өз көзіне өзі сенбеді
- Желі қолданушыларын ормандардың бірінде түсірілген ерекше табиғи құбылыс таңғалдырды