АЛМАТЫ, 28 қараша — Sputnik. Алматы қаласының бірнеше ауданында қалың тұман түсіп, түк көрінбей кетті.
Аязды күндерден соң, ауа райы біраз жылынғандықтан, оңтүстік астананы тұман басып кеткен екен. Алайда табиғи құбылыс Алматы әуежайының жұмысына еш кедергі келтірген жоқ. Анықтама қызметі Sputnik Қазақстан тілшісіне хабарлағандай, әуе айлағы штаттық режимде қызмет етіп тұр. Бірақ темір тұлпар иелері жолда көлік қозғалысы қиындап кеткенін айтады.
Бейсенбі 29 қарашада қалада аздап жаңбыр себелеп, ауа температурасы 9 градусқа дейін жылынады.
Тағы оқыңыз: 29-30 қараша және 1 желтоқсанға ауа райы болжамы