АСТАНА, 22 қараша — Sputnik. Алматыда Гагарин – Қожанов көшелері қиылысында жол апаты болды.
Куәгерлердің айтуынша, Honda Element Гагарин бойымен солтүстік бағытта кетіп бара жатып, солға Қожанов көшесіне бұрыла бастайды. Сол кезде қиылыста бағдаршам істемей тұрған. Сөйтіп, жүргізуші оңтүстік бағытта келе жатқан Toyota Camry көлігіне жол бермеген.
Honda Camry-ді бүйірінен соқты. Қатты соққыдан көлік ығысып, арыққа ұшып түсті.
Жол апатынан екі көліктің иесі де зардап шеккен. Олар әртүрлі жарақатпен ауруханаға жеткізілді.
Жол полициясы оқиғаның мән-жайын анықтап жатыр.