АСТАНА, 9 қараша — Sputnik. Астана қаласында XXI халықаралық фестивальдің қорытындысы жүргізілді, деп хабарлайды Sputnik Қазақстан тілшісі.
Қазақстан президентінің кубогын "Классикалық музыка. Ағаштан жасалған үрлемелі аспаптар" категориясы бойынша жеңіске жеткен Қазақ ұлттық өнер университетінің 3-курс студенті Ислам Әлиев жеңіп алды.
Гобойда ойнайтын Әли үшін талантының дәл бұлай жоғары бағалануы күтпеген жағдай болды.
"Бірінші кезекте осы жүлдені алғаным үшін қуанышты екенімді жеткізгім келеді. Осыншама қарсыластың ішінде жеңімпаз атанғаным үшін ризамын. Бұл мен және отбасым үшін үлкен жеңіс", — деді Әлиев.
Екі жыл бұрын Ислам жас таланттар байқауына қатысып, осы номинацияда үшінші орын алды. Ол сол кезде бұдан да биік белестерге жетуім керек деп шешкен.
Тағы оқыңыз: Sputnik Қазақстан "Шабыт" фестивалінің қатысушыларын сыйлықтармен қуантты
"Біз түскен уақытта скрипка жеңіп алдым. Бірақ саусағым өте қысқа болғандықтан, мені алмады. Үрлемелі аспаптарды ойнататын сыныпқа бермекші болғанда, ішінен гобойды таңдадым", — деп жауап берді ол.
Өнер саласының еңбегі сіңген қайраткері Ерболат Төлепбай жасаған мүсіншені жас дарынға Астана қаласы әкімінің орынбасары Ермек Аманшаев табыстады.
Үздік журналист
Шығармашыл жастар фестивалінің жабылу салтанаты биден басталды.
Бейбітшілік және келісім сарайының сахнасында алғаш "Журналистика" номинациясының бас жүлдесінің есімі хабарланды.
Биыл жас репортерлер байқау туының астында алты жылда алғаш рет жиналды.
Номинациядағы басты жүлдені Qazaqstan арнасындағы Masele ("Мәселе") бағдарламасының жүргізушісі жеңіп алды.
Үздік музыкашылар
Кеш ұлттық аспаптардың үнімен ерекшеленді. Қыл қобыз жиналған қауымды өткен шаққа саяхаттатты.
"Ұлттық аспап. Қобыз" номинациясында бас жүлде Шолпан Шарапатоваға, "Прима-қобыз" номинациясында гран-при Айым Мейірхановаға бұйырды.
"Классикалық музыка. Ұрмалы аспаптар" номинациясында Арыстан Әбілдинге тең келетіндер болмады.
Бәсекелістік басқаларына қарағанда өте жоғары "Эстрадалық вокал" номинациясында жас әнші Ахмет Сұлтан жеңіске жетті.
Үздік бишілер
"Хореография" номинациясында бас жүлдені Астана қаласы әкімдігінің мемлекеттік "Наз" би театры алды. Әділ қазы алқасы "Вайнах" шешен ансамблінің көркемдік жетекшісі Аднан Мажитов лайықты жандарға марапатын ұсынып, келесі сөздерді айтты.
"Қазақстанда тудым, отаныма келіп отырмын және онымен мақтанамын. Шешенстан Республикасының президенті Ахмат Қадыров бидің халық жаны екенін айтқан болатын. Бишілер қазақ халқының жаны мен болмысын, қаншалықты тәуелсіз және батыл екенін көрсетті", — деді Мәжітов.
"Шабыт" фестивалі Астана қаласында 5-9 қараша аралығында өтті. Sputnik Қазақстан аталған байқауға ақпараттық қолдау көрсетті, сондай-ақ, жеңімпаздарға сыйлықтар ұсынды.