АСТАНА, 4 қараша — Sputnik. АҚШ-тың Арканзас штатында спорттық шараға жиналған жұрт метеордың құлаған сәтін видеоға түсіріп алды.
Аспан денесі штат көгінде 2 қараша күні кешкісін жарқ етіп көрінді, деп хабарлайды РИА Новости KARK-TV арнасына сілтеме жасап.
Телеарнаның хабарлауынша, видеоға түсіп қалған метеор тартылыс күшінің әсерінен Жер атмосферсына енген соң жанып кеткен.
Twitter-дегі видеода түнгі аспан кенеттен жап-жарық болып кеткені анық көрінеді. Ал оқиға куәгері стадионда америкалық футбол матчында болса керек.
Видеоға түсіп қалған метеор — Таурида метеорлар ағынының бір бөлшегі, бұл құбылыс жыл сайын қыркүйек-желтоқсан айларында қайталанады.