АЛМАТЫ, 12 қазан — Sputnik. Ресей Федерациясының Чуваш республикасында жүк көлігі шағын автобуспен соқтығысты. Салдарынан 12 адам қаза тапты, деп хабарлады РИА Новости.
Апат Чебоксары аудаындағы М-7 тасжолында кеше кешкі уақытта болған. Төтенше жағдайлар министрлігінің мәліметінше, 10 адам жарақат алды. Олардың төртеуі, дәрігерлердің айтуынша, хал үстінде жатыр. Соңғы мәліметтерге сәйкес, шағын автобус заңды жұмыс істейтін адамға тиесілі.
Жүк көлігінің жүргізушісі ұсталып, қамауға алынды. РФ Қылмыстық кодекстің 264-бабы 5-бөлігі бойынша (Жол қозғалысы және көлік құралдарын пайдалану ережелерін бұзу) бойынша қылмыстық іс қозғалды.
Алматы облысында екі көлік соқтығысып, сегіз адам жан тапсырды
Ресей Федерациясының Мемлекеттік көліктік бақылау инспекциясының өкілі мәлімдегендей, Mercedes жүк көлігі тыйым салынған жерде қарсы жолаққа шығып кеткен.