АСТАНА, 7 қазан — Sputnik. Қазақстан президенті Нұрсұлтан Назарбаев Ресей басшысы Владимир Путинді туған күнімен құттықтады.
Қазақстан президенті әріптесіне жеке өзі қоңырау шалды, деп жазды Кремлдің сайты.
Назарбаев Ресей лидерімен қарым-қатынасы жайлы бірнеше рет жылы лебіз білдірген болатын. Екі ел басшысы ресми және бейресми кездесулерде көп жағдайда бірге көрінеді.
Сондай-ақ Өзбекстан, Қырғызстан, Әзербайжан, Тәжікстан, Беларусь, Сербия, Израиль президенттері, Армения премьер-министрі және басқа да көптеген елдің басшылары телефон арқылы тілектерін білдірді.
Назарбаев жолдауында Қазақстан мен Ресейдің қарым-қатынасы жайлы айтты
Баспасөз хатшысының айтуынша, Владимир Путин туған күнін достарымен және отбасымен бірге тойлап жатыр.
Белгілі болғандай, Путин өзінің 66 жасқа толған туған күнінде дағыстандық аралас жекпе-жек шебері Хабиб Нурмагомедовты жеңісімен құттықтады. Ол бүгін ирландиялық Конор МакГрегорды төртінші раундта тұншықтыру әдісімен ұтқан болатын.