АСТАНА, 2 қазан – Sputnik. Бүгін қазақстандық боксшы Геннадий Головкин Қарағандыға келді, деп хабарлайды ekaraganda.kz.
Геннадий Головкин бейресми түрде дене шынықтыру-сауықтыру орталығында болды. Спортшы кешен секцияларының жұмысымен танысты.
Сондай-ақ, Головкин спорт үйірмелерінің тәрбиеленушілерімен әңгімелесіп, болашақ спортшыларға сәттілік пен жеңіс тіледі. Отандасымыздың кешенге келуі балалар үшін күтпеген сый болды.
Бапкер Головкинге жасы қалай әсер ететінін айтты
Еске сала кетсек, 15 қыркүйекте Лас-Вегастағы T-mobile аренасында Геннадий Головкин мен мексикалық Сауль "Канело" Альварестің қарымта-жегі өткен болатын. 12 раундқа созылған кездесу төрешілер шешімімен "Канелоның" пайдасына шешілді. Осылайша отандасымыз кәсіпқой бокста алғаш рет жеңіліп, барлық чемпиондық белбеуінен айырылған еді.