АЛМАТЫ, 29 қыркүйек — Sputnik. Әлеуметтік желіде батыр киімін киген алып денелі жігіттердің Париж көшесімен қыдырып жүрген видеосы пайда болды. Роликтің астында жігіттердің қазақ екені жазылған.
Батырлар Париж тұрғындарының ерекше қызығушылығын тудырды. Көптеген адам олармен суретке түсіп жатты.
Желі қолданушылары батырлар қазақстандық фильмдерге қызығушылық тудыру үшін көшеге шықты деген болжам жасады. Бұл туындылар биыл мамырда Канн кинофестивалінде жұртшылық назарына ұсынылған болатын.