АСТАНА, 26 қыркүйек — Sputnik. Дәл қазір Тәжікстан аумағында барлық медицина мекемелері баланы сүндеттейді. Яғни баланы үйде емес, бұдан былай ауруханаға алып барып сүндеттеу қажет болады, деп хабарлайды КТК арнасы.
Тәжікстанда 2019 жылдың 1 қаңтарынан бастап баланы үйде сүндеттеуге тыйым салатын заң жобасы қолданысқа енеді.
Осы елдегі халықты әлеуметтік қорғау және денсаулық сақтау министрлігі ана мен балаға медициналық қызмет көрсету басқармасының жетекшісі Шерәлі Рахматуллоевтың айтуынша,
"Халықтық салт-дәстүрді, әдет-ғұрыпты және жөн-жоралғыларды реттеу туралы" заңға тиісті өзгерістер енгізілмек. Сондай-ақ, ол қазіргі уақытта Тәжікстан аумағындағы барлық медициналық мекеме баланы сүндеттейтінін алға тартты.