АСТАНА, 17 қыркүйек – Sputnik. Ауыр салмақтағы бұрынғы абсолютті әлем чемпионы Майк Тайсон қазақстандық Геннадий Головкин мен мексикалық Сауль "Канело" Альварестің екінші жекпе-жегі аяқтала сала оның нәтижесіне қысқаша түсініктеме берді, деп хабарлады Sports.kz.
– Тамаша жекпе-жек. "Канело" жеңді. Тартысты кездесу болды.
– Сіз "Канелоның" жанкүйерісіз бе?
– Иә.
– Испан тілінде бірдеңе айта аласыз ба?
– Hola (сәлем).
Головкин мен Альварес үшінші жекпе-жек өткізуге келісті
Головкин мен Альварестің екінші жекпе-жегі 16 қыркүйек күні таңертең Лас-Вегаста өтіп, төрешілер шешімімен мексикалық жеңіске жетті. Головкин карьерасындағы алғашқы жеңілісіне ұшырап, барлық белбеуінен айырылды. Сондай-ақ, біздің отандасымыз Бернард Хопкинстің орта салмақтағы титулдарын қорғау саны бойынша тарихи рекордын бұза алмады.