АСТАНА, 10 қыркүйек — Sputnik. Қостанай облысындағы Рудный қаласында көшеден жаңа туған нәресте табылды.
"Костанайские новости" өңірлік басылымының жазуынша, қыз бала тірі, дәрігерлер қарап шығып, дені сау екенін айтты. Салмағы 3 килограмм.
Қазір сәбиді перзентханаға апарыпты.
Бір ай бұрын осындай жайт Түркістан облысында болды. Елді мекендердің бірінде туғанына үш күн болған нәрестені сөмкеге салып, аптап ыстықта жол шетіне қалдырып кеткен. Сәби сөмкені ашуға қорықпаған әйелдің арқасында аман қалды.
Қостанайда мамыр айында туберкулез диспансері маңында жаңа туған нәресте табылып, денесінен суық өтіп кеткендіктен, ауруханада шетінеп кеткен болатын.