АСТАНА, 9 қыркүйек — Sputnik. "Жастар" театрының үш қабатты ғимаратының шатыры өртенді, деп хабарлады Төтенше жағдайлар комитетінің баспасөз қызметі.
Шатырда шыққан өрттің аумағы — 45-50 шаршы метр.
Өртті сөндіруге 60-тан астам өрт сөндіруші мен 16 арнайы техника жұмылдырылды. Қазіргі уақытта тілсіз жау ауыздықталды. Қаза болғандар мен зардап шеккендер жоқ.
Ғимарат 1954 жылы салынған. Бұрын бұл жерде Күләш Байсейітова атындағы опера және балет театры болған еді.