АЛМАТЫ, 4 қыркүйек — Sputnik. Алматыда автобус жаяу жүргінші әйелді басып кетті, деп хабарлайды құқық қорғау органдары Sputnik Қазақстанға.
Қайғылы оқиға Солтүстік шеңберде "Дорожник" шағын ауданына бұрылар жерде болған. Оқиға куәгерлері мен автобус жүргізушісінің айтуынша, №135 қоғамдық көлік Солтүстік шеңбермен келе жатқанда, жол жиегінде кетіп бара жатқан әйел бағдаршам алдында құлап түседі, есінен танып қалса керек. Әйелдің басы автобустың артқы дөңгелегі астында қалған екен. Жүргізуші тоқтап үлгермей, жаяу жүргіншіні басып кетті.
1972 жылы туған жарымжан әйел жедел жәрдем келгенше жан тапсырды.