АСТАНА, 2 қыркүйек — Sputnik. Кеше түнде Семей қаласынан 300 шақырымда жатқан Қайнар ауылында қар жауды, деп хабарлайды 24.kz.
Әлеуметтік желіге тұрғындар видео салып, хабар таратуда. Қайнар ауылының әкімі Сағын Қапақов елді мекенде қалың қар жауғанын растады.
"Қар жауғаны рас, түнімен қапалақтады. Таңертең 30-40 сантиметрге жетті. Ауа температурасы 3-4 градус. Әлеуметтік нысандар мен тұрғындарға қауіп жоқ. Жолдар ашық, бәрі бақылауда", — деді ауыл әкімі.
Күн райын болжаушылар шығыста 3-4 қыркүйекте қар аралас жаңбыр жаууы мүмкін екенін хабарлаған.