АЛМАТЫ, 27 тамыз — Sputnik. Алматыда Саин көшесі бойында белгісіз бір көлік жаяу жүргіншіні қағып өлтіріп кетті, деп хабарлады құқық қорғау органдары Sputnik агенттігіне.
Оқиға куәгерлерінің сөзіне сүйенсек, ер адам жаяу жүргіншілер көпірінің астынан өтіп бара жатқанда, болжам бойынша, Lexus көлігі қатты жылдамдықпен басып кеткен.
1963 жылы туған ер адам жедел жәрдем келгенше жан тапсырды. Кісіні қаққан авто оқиға орнынан қашып кеткен. Қазір тергеушілер, жол полициясы мен іздеу бөлімінің қызметкерлері мән-жайды анықтап, көлік жүргізушісін табу мақсатында шаралар атқаруда.