АСТАНА, 21 тамыз — Sputnik. Алматы облысындағы Шелек ауылының тұрғыны Сәния Рахматуллина жергілікті балабақша тәрбиешілерін 4 жасар ұлыма зәбір көрсетті деп айыптауда.
Мүгедек келіншектің айтуынша, олар ұлының іш киімін шешкізіп, өзге балалар алдында масқара еткен, деп хабарлады КТК.
"Ол ұлымның ішкиімін топтағы балалардың көзінше шешкен. Ұлым шыдамай кетіп қалайын десе, айғайлаған. Енді 4 жастағы ұлым тіпті үйде де шешінуге қорқады. Балабақшаға бармаймын деп азар да безер болады", — дейді Шелек ауылының тұрғыны Сәния Рахматуллина.
Ал мұны теріске шығарған балабақша басшылығы, керісінше, келіншектің өзі бізге күн бермейді деп, оны сотқа бергелі жатыр. Үш жылдан бері сол Сәниядан мезі болдық дейді. Айтуларынша, ол балалардың алдында ән шырқаймын деп тәрбиешілерді ығыр етіпті. Онысынан түк шықпаған соң, ғимарат қабырғасына сурет салуға құлшынған. Күн сайын келіп, тәрбиешілермен қырылатын Сәния Рахматтулинаның үстінен ұжымдағылар арыз жазапты.
"Мен аудандық білім бөліміне хат жібердім. Ол ата-ана ойына келгенді істеп жатыр. Ертең ол баласына қастық жасап, бізге жала жабады деген оймен солай істедім", — дейді балабақша меңгерушісі Кәмшат Қарақұлова.
- Қазақстанда баласы бар қызметкерлерге жұмыс тоғыз жарымда басталады
- Алматы облысында басшысының қорлығына шыдамаған тәрбиеші өзіне қол жұмсады