АСТАНА, 3 тамыз — Sputnik. IBF бойынша орташа салмақтағы әлем чемпионы титулы үшін жекпе-жек америкалық боксшы Дэниэл Джейкобс пен украиналық былғары қолғап шебері Сергей Деревянченконың арасында 10 қарашада өтеді, деп жазады Sports.kz.
Бұл жекпе-жек HBO телеарнасындағы бокс кешінің басты кездесуі болмақ.
Жекпе-жектің қайда өтетіні әлі белгісіз. Дегенмен ESPN тілшісі Дэн Рафаэль дереккөздерге сілтеме жасап хабарлағандай, қос боксшы Нью-Йорк қаласы сыртындағы Nassau Veterans Memorial Coliseum рингінде жұдырықтасуы мүмкін.
Естеріңізге сала кетсек, Геннадий Головкин Сергей Деревянченкоға қарсы міндетті жекпе-жегінен бас тартқан соң, осы IBF чемпиондық белдігінен айырылып қалған болатын.