АСТАНА, 31 шілде – Sputnik. Алматы облысының Байсерке ауылында 57 жастағы ер адам үш жасар қызды ұрлап кетті.
Облыстың ішкі істер департаменті аталған оқиғаға қатысты түсініктеме берді.
"Мешіттегі намаздан кейін әкесі үш жасар қызының жоғалып кеткенін байқаған. Ол бірден полиция шақырады, оқиға орнына келген жедел іздеу тобы ер адамның қайда бет алғанын анықтады. Күдікті жарты сағаттан кейін жазық далада ұсталды. Күдікті соңына полицейлер түскенін көріп, баланы тастап, ізін жасырмақ болған", — деп мәлімдеді Алматы облысы ІІД баспасөз қыметінің жетекшісі Сергей Незнаев.
Баланы ұрлаған күдікті ұсталды, енді оған қатысты бұлтартпау шарасын таңдау туралы мәселе шешіліп жатыр.