АСТАНА, 18 шілде — Sputnik. 2016 жылғы КВН Жоғарғы лигасының жеңімпазы — "Азия MIX" қырғыз командасы әзілге толы видеосымен бөлісті.
Роликтің астында жазылғандай, видео 2016 жылы КВН Жоғарғы лигасының эфирінде көрсетілмепті. Төрт минуттық видеоның авторлары әзіл түрінде Қырғызстанның жапан даласында аман қалу жолдарын түсіндірген.
"Азия MIX" 2016 жылы КВН Жоғарғы лигасының финалында жеңіске жетті. Сол жылы ақтық сында қазақстандық "Спарта", ресейлік "Сборная Мурманска", "Сборная Большого московского государственного цирка" және "Радио Свобода" командалары өнер көрсеткен болатын.