АСТАНА, 17 шілде — Sputnik. Загребте Хорватия ұлттық құрамасын 500 мыңнан астам адам қарсы алып, қаһармандарына қошемет көрсету үшін қала орталығына жиналды.
Әуежайдан спортшыларды құттықтау салтанаты өтетін алаңға дейін жету үшін бірнеше сағат кеткен. Жүрекжарды лебіздерімен қарсы алған фанаттар арасындағы дәлізбен өту оңай болған жоқ, жанкүйерлердің бәрі футболшыларға қарай ұмтылды.
Автобустың төбесіне шығып алған Хорватия құрамасы футболшылары жол бойы ту желбіретіп, жиналған жұртқа қол соқты.
Хорватия құрамасының мүшелері сахнаға шығып, чемпионат барысында белсенді қолдау көрсеткен отандастарына алғысын білдіріп, халықпен бірге әнұран орындады. Кеш соңында команданың үздік ойыны құрметіне от шашу болды.
Хорватия-Франция матчының есебін дәл тапқан Алматы тұрғыны қанша ұтты?
Әлем чемпионаты финалындағы үздік сәттер видеосы
Англия құрамасы Хорватияға қарсы қандай қулық жасамақ болды?