Әншінің өнеріне тәнті болған көрермендер зор қошемет көрсетті. Фестивальге арнайы келген отандастары тарапынан да қолдау үлкен болды.
Әміре (әншінің шығармашылық лақап аты) ән шырқап болған соң Қазақстанның туын сахнада желбіретуді бала кезінен армандап жүргенін айтты. Ал жүргізушілер бірден әншіге қолдау көрсетіп отырған қазақстандықтардан туды сахнаға беріп жіберуді сұрады. Осылайша арманына жеткен Ернар Садырбаев Витебск тұрғындарына жылы лебізін білдіріп, алғыс айтты.
"Қазақстан және Беларусь – мәңгі достар!", — деді ол.
Айта кетейік, Қазақстан мен Румыния конкурсанттары бірдей балл жинаған – 156. Алайда әділ қазылар алқасы бас жүлдені Румыния әншісіне беруді ұйғарды. Қазақстан – бірінші, Украина – екінші орын алса, ал үшінші орын Польша мен Беларусь дарындыларына бұйырды.
"Славян базарында" Қазақстан мен Румыния әншілері бірдей балл жинады