АСТАНА, 15 шілде — Sputnik. Алматының Медеу ауданында жеке сектордан өрт шықты, деп хабарлады куәгерлер Sputnik агенттігіне.
Куәгерлердің айтуынша, әуелі монша жана бастаған, кейін от жақын маңдағы үйлерге ауысыпты.
Оқиғаны төтенше жағдайлар жөніндегі комитет растады.
Ведомство мәліметі бойынша, өрт 12.39-да ауыздықталып, 12.50-де сөндірілген. Бастапқы аумағы 290 шаршы метр.
Оқиға барысында ешкім зардап шекпеді. Өрттің себебі анықталып жатыр.
Өртті сөндіруге 40 адам мен 11 техника қатысты.