АСТАНА, 10 шілде — Sputnik. Қазақстандық боксшы Данияр Елеусіновтің мүддесін жақтаушы Matchroom Boxing промоутерлік компаниясы оның кәсіби рингтегі үшінші жекпе-жегі туралы мәлімдеді, деп хабарлайды Sports.kz.
"Данияр Елеусінов Габор Горбичке қарсы 4 тамызда Кардифф қаласындағы кеште жекпе-жекке шығады", — делінген компанияның әлеуметтік желідегі хабарламасында.
30 жастағы венгриялық боксшы Габор Горбичпен қазақстандық былғары қолғап шебері Лондонда алтыншы маусымда кезігуге тиіс болатын. Алайда Горбич ауыр жарақат алғандықтан, жекпе-жек болмай қалды. Сол кезде ол жазылып шыққан соң Елеусіновпен жұдырықтасуға уәде берген еді.
Ал 6 маусым күні Елеусінов Лондондағы York Hall рингінде венгриялық басқа бір боксшы Золтан Шабомен жекпе-жекке шыққан.
Данияр Елеусінов өзін Головкинмен салыстыратындарға жауап қатты
Қуат Хамитов қай қазақ боксшысы келесі әлем чемпионы болатынын айтты