АСТАНА, 6 шілде — Sputnik. Шілде айында ашылған жаңа жаяу жүргіншілер көпірі Астана тұрғындары мен қонақтары арасындағы ең танымал жерге айналды.
Назарбаев Астана күніне жасалған сыйлықтар туралы айтты
Алып ақ балыққа ұқсайтын айрықша көпір алыстан менмұндалайды. Астана күні келушілер тіпті көп. Олар жаңа көпірді тамашалап қана қоймай, естелік селфи жасап жатыр.
Үлкен металл күлтелер ерекше бір үйлесімділікпен орналастырылған. Күннің сәулесімен алуан түрлі кейіпке енеді.
Құрылыстың тағы бір ерекшелігі — балықтың мүсіні. Бекіре — Атырау облысының символы, дәл осы өңір елорданың жиырма жылдығына тамаша сыйлықты тарту еткен. Көпірдің жалпы ұзындығы — 313,5 метр, ені — 10,5 метр.