ТАЛДЫҚОРҒАН, 3 шілде — Sputnik. Кеген – Сарыжаз – Нарынқол тас жолында екі көліктің соқтығысуы салдарынан бес адам қаза тауып, жеті адам зардап шегіп, ауруханаға жатқызылды, деп хабарлайды Sputnik тілшісі.
Жол апаты туралы хабарлама әлеуметтік желілерде жарияланған. Апат Райымбек ауданы Кеген ауылына жақын жерде болыпты.
Алматы ІІД баспасөз қызметі хабарлағандай, Toyota Camry мен ЗАЗ Chance соқтығысқан екен.
Аталмыш дерек бойынша сотқа дейінгі тергеу амалдары жүргізіліп жатыр.