АСТАНА, 26 маусым — Sputnik. Астананың орталық саябағында қызғалдақтың пішінін еске түсіретін жиырмадан астам орындық орнатылды.
Нидерланды әлемге ел символына айналған қызғалдақтарымен әйгілі. TULPI орындықтарының авторы – белгілі Нидерланды дизайнері Марко Мандерс.
Қызғалдақ-орындықтар қайта қолдануға болатын экологиялық материалдан жасалған. Мұндай орындықтар әлемдегі көптеген ірі қаланың көшелері мен орталық алаңдарына сән беріп тұр.
Саябақта Shell концернінің Қазақстанда жұмыс істеп жатқанына 25 жыл толуына орай 25 орындық орнатылды.
Астанада "Нұрлы жер" аясында қанша пәтер пайдалануға берілді?>>
Ашылу салтанатына Астананың Есіл ауданының әкімі Төлеген Закарьянов, Shell концернінің Қазақстандағы төрағасы Оливье Лазар қатысты.