Бішкек түбіндегі Ленин ауылында белгісіз біреулер валюта айырбастау пунктіне қарақшылық шабуыл жасап, тонап кеткен. Оқиғаның видеосын Facebook желісіне қоғамшыл Болот Ибрагимов жариялады, деп хабарлайды Sputnik Қырғызстан.
Шу облысы ішкі істер бас басқармасы оқиғаның 23 маусымда болғанын хабарлады. Таңғы төртте болған шабуыл кезінде бір адам зардап шегіпті. Тонаушылар BMW X5 көлігіне мініп қашып кеткен.