АСТАНА, 18 маусым — Sputnik. Камбоджа ханзадасы Нородом Ранарит пен оның жұбайы Оук Пхалла көлік апатына ұшырады, деп хабарлады Хабар 24.
Салдарынан әйел адам қаза тауып, ал ханзада ауыр халде ауруханаға түскен. Оқиға елдің оңтүстігіндегі Кампонгсаом провинциясында болған. Бұл туралы жергілікті ақпарат құралдары хабарлап жатыр.
Апаттан тағы 7 кісі жарақат алды. Ресми дерекке сүйенсек, ханзаданың көлігіне такси соғылған. Ақсүйектер кортежінде өзге де атқамінерлер отырған көрінеді. Олар шілде айына белгіленген сайлау алдында Сиануквиль қаласына барып қайтпақ болған.