АСТАНА, 16 маусым — Sputnik. Танымал қазақ әншісі Димаш Құдайберген өзінің өлімі туралы Желідегі жалған ақпаратты жоққа шығарды.
Әнші Instagram парақшасында Желідегі ақпараттың скриншотын жариялаған. Онда қанға боялған көлік суретінің астында Димаштың қазасы туралы айтылыпты.
"Оларға сенбеңіздер. Мен тірімін. Туыстарым мұны интернеттен кездейсоқ көріп қалса қиналады. Баршаңызға бақыт тілеймін. Енді бұлай жасамаңыздар, достар", — деп жазды Димаш.