АСТАНА, 11 маусым — Sputnik. Маңғыстау облысында Жаңаөзенге жақын жерде бетпе-бет соқтығысқан автокөлік түгі қалмай жанып кетті, зардап шеккендер бар.
Оқиға куәгерлерінің сөзіне сүйенсек, жол апаты 10 маусымда 20:00 кезінде болған.
Lexus ES 330 ылдиға шыға бере, алдындағы көлікті озбақ болып, қарсы беттік қозғалыс жолағына ауысады. Салдарынан Lexus қарама-қарсы келе жатқан Toyota Avalon көлігімен бетпе-бет соқтығысқан. Avalon көлігі отқа оранып, түгі қалмай жанып кетті, деп хабарлайды "Лада".
Жаңаөзен орталық қалалық ауруханасы берген мәлімет бойынша, бірнеше адам зардап шегіп, ауруханаға жатқызылған. Оқиғаның мән-жайы кейінірек хабарланады.