АСТАНА, 9 маусым — Sputnik. Қырғызстанда алып қашып, күштеп тұрмысқа берген, кейін күйеу жігіттің қолынан полиция бөлімшесінде ажал құшқан қыз жайында қысқа метражды фильм түсірілді.
Фильм "Ала качуу" ("Алып қашу") деп аталады, он тоғыз жасар Бурулай Турдалиеваның тағдырына негізделіп түсірілген. Сценарий авторы әрі фильм режиссері — Азим Азимов, деп жазады Sputnik Кыргызстан.
Фильмнің бас кейіпкері Ажар анасымен ауылда тұрады. Қаржылық қиындықтарға байланысты отағасы Ресейге жұмыс істеуге кеткен.
Қыз қоғамдық өмірге белсене араласып жүреді, бір күні оны алып қашып, бейтаныс жігітке тұрмысқа бермек болады.