АСТАНА, 9 маусым – Sputnik. Алматыда Абай және Наурызбай батыр көшелерінің қиылысында көлік жарнама конструкциясын қағып құлатты, деп хабарлады құқық қорғау органдары Sputnik агенттігіне.
Куәгерлердің сөзіне сүйенсек, Mercedes S Наурызбай батыр көшесімен оңтүстік бағытта келе жатады. Жүргізуші Абай көшесінен өте бере жолдың сәл тарылатынын білмеген.
Мұны байқамаған ол бордюрге шығып кетіп, арықтан асып, билбордқа соғылады. Қатты соққыдан жарнама конструкциясы көлікке құлап, басып қалған. Абырой болғанда, жүргізуші зардап шеккен жоқ.