АСТАНА, 7 маусым — Sputnik. Қазақстан президенті Нұрсұлтан Назарбаев пен Қытай Халық Республикасының төрағасы Си Цзиньпиннің әңгімелесіп келе жатқан сәті фотографтардың бірінің объективіне түсіп қалды.
Бейжіңге мемлекеттік сапар аясында Қазақстан мен ҚХР лидерлерінің кеңейтілген құрамдағы кездесуі өтті.
– Мен, ең алдымен, Сізді жоғары мемлекеттік лауазымға қайта сайлануыңызбен және Қытай Компартиясының ХІХ съезін табысты өткізуіңізбен құттықтаймын. Бұл қытайлық өзіндік ерекшелігі бар социализм құру жолындағы әлемдік мәні бар айтулы оқиға болды, – деп Ақорда Қазақстан президентінің сөзінен үзінді келтірді.
Кездесу соңында Қазақстан президенті Қытай Халық Республикасының төрағасын Қазақстанға ресми сапармен келуге шақырды.
Қазақстан президенті Нұрсұлтан Назарбаев пен ҚХР төрағасы Си Цзиньпин
© AFP 2024 / Greg Baker