АСТАНА, 5 маусым — Sputnik. Денсаулық сақтау министрі Елжан Біртанов өзі басқаратын ведомство менингококк инфекциясының таралуын тежеуге қауқарсыз екенін айтты.
"Денсаулық сақтау министрлігі, ең алдымен, стандарттар мен медициналық көмек көрсету сапасының қолжетімділігі үшін жауапты. Біз вирустық инфекцияның сипатын реттей алмаймыз, өйткені таралып жатқан бактериялық вирус. Сондықтан инфекция бәсеңдеп жатыр ма, жоқ па, ештеңе айта алмаймын. Дүрлігудің қажеті жоқ. Алматы мен Қазақстанда ауру-сырқаудың деңгейі соңғы 20 жылдағы орташа жылдық көрсеткіштен едәуір төмен. Кей жылдары көбейсе, кей жылдары төмендеген. Оған (инфекцияның бәсеңдеуіне) ешкім кепілдік бере алмайды", — деді Біртанов журналистерге.