АЛМАТЫ, 2 маусым – Sputnik. Алматыда жол апаты салдарынан жүргізуші әйел қаза тапты, деп хабарлайды құқық қорғау органдары Sputnik агенттігіне.
Жол апаты көпірде Рысқұлов даңғылы мен Сүйінбай көшесі қиылысында болған. Оқиға куәгерлерінің сөзіне сүйенсек, Toyota көлігін мінген 1975 жылғы әйел батыс бағытта кетіп бара жатып, көпірге шыққанда, рөлге ие бола алмай, қарама-қарсы қозғалыс жолағына шығып кетіп, HOWO жүк көлігіне соғылады.
Әйел адам жедел жәрдем келгенше жан тапсырды.
Оқиға орнында полиция қызметкерлері жол апатының мән-жайын анықтап жатыр.