АЛМАТЫ, 2 маусым – Sputnik. Алматыда Жансүгіров және Жұмабаев көшелерінің қиылысында екі көлік соқтығысты, деп хабарлайды құқық қорғау органдары Sputnik агенттігіне.
Куәгерлердің айтуынша, Renault Logan Жансүгіров бойымен оңтүстік бағытта кетіп бара жатып, жүргізуші Жұмабаев көшесіне солға бұрылмақ болады. Сол кезде Жансүгіров бойымен солтүстік бағытта Nissan Premiera келе жатқан.
Renault Logan Nissan көлігін өткізіп жібермей, бүйірінен қағады. Қатты соққыдан Nissan бағдаршамға қарай ұшып кеткен.
Жол апатынан төрт адам зардап шекті, олар ауруханаға жатқызылды. Полиция оқиғаның мән-жайын анықтауы тиіс.