АСТАНА, 31 мамыр — Sputnik. Рәзия Нұркенова Қазақстанның футболдан әйелдер ұлттық құрамасының жаңа бас бапкері болды.
Маманды Қазақстан футбол федерациясының бас хатшысы Азамат Айтқожин таныстырды. Бас бапкер қызметіне 1 шілдеден бастап кіріседі. Қазақстанның әйелдер құрамасының бұрынғы бас бапкері Айтпай Жамантаев команданың селекционері болып тағайындалды.
50 жастағы Рәзия Нұркенова Қазақстан тумасы. Жоғары білімін Қарағанды педагогикалық институтында алған. Ресейдің спорт шебері.