АСТАНА, 27 мамыр — Sputnik. Ақмола облысының Атбасар қаласында бүгін таңертең қар жауды. Синоптиктердің мәліметінше, ауа температурасы 27 мамырға қараған түні төмендеген.
Таңға алтыға қарай температура Цельсий бойынша 0 градусқа дейін төмендеді. Қара суық қарды ала келген.
Жергілікті тұрғындар мамырдағы қардың суреттерін мессенджерлер арқылы таратып жатыр. Түске қарай Атбасардағы температура үш-төрт градусқа дейін көтеріліп, біршама жылынды.
Синоптиктердің болжауынша, ауа температурасы жеті градусқа көтеріледі. Дүйсенбі, 28 мамырда қалада күн 19 градусқа дейін жылы болады.