АСТАНА, 27 мамыр — Sputnik. Алматыда Абай даңғылында мопед пен жеңіл көлік соқтығысып, екі адам зардап шекті. Бұл туралы Sputnik Қазақстанға куәгерлер хабарлады.
Mercedes автокөлігі Абай даңғылымен келе жатқан. Жүргізуші Саин және Момышұлы көшелерінің арасында қозғалыстың қауіпсіз екеніне көз жеткізбей, бұрыла бастаған. Осы кезде Абаймен қарама-қарсы бағытта мопед келе жатқан. Қос доңғалақты көліктің жүргізушісі тежегішті басып үлгермей, автокөлікке соқтығысқан. Соққыдан мопед қақ бөлініп қалды.
Жол апаты салдарынан мопедтің жүргізушісі мен жолаушысы ауыр жарақат алды. Олар ауруханаға жатқызылды.
Жол полициясының қызметкерлері оқиғаның мән-жайын анықтап жатыр.