АСТАНА, 26 мамыр — Sputnik. Таразда көпқабатты үйдегі пәтерден өрт шығып, салдарынан кішкентай бала ажал құшты.
КТК телеарнасының мәліметінше, өртті жарты сағат бойы сөндірген. Қыздың денесі өртті сөндіріп, бөлмелерді тексеру кезінде табылыпты.
Көршілердің айтуынша, бала үнемі үйде жалғыз қалады екен: 14 жастағы әпкесі қыдыруға немесе сабаққа кетеді, ал анасы күні бойы жұмыста.
Пәтер бес қабатты бір подъезді үйде орналасқан, 44 адамды эвакуациялауға тура келді, олардың ішінде 16 бала бар. Қазір бәрі өз пәтерлеріне оралды.
Өрттің себебі анықталып жатыр.