АСТАНА, 25 мамыр – Sputnik. Мэнни Пакьяо мексикалық Сауль Альвареспен жекпе-жекке шығуға жүрексінген. Филиппин боксшысының осы жайлы айтқан сөзін Facebook-тегі Boxing Fans Worldwide en Español паблигі жариялады, деп хабарлайды Sports.kz.
"Үш жыл бұрын маған "Қанеломен" жекпе-жек өткізуді ұсынды. Спортшы екенім рас, бірақ ақымақ емеспін. Мен мұндай төбелестен аман қалмауым мүмкін екенін білдім. "Канело" – өзге ғаламшардан келген боксшы, мен оны құрметтеймін", — деп атап өткен Мэнни Пакьяо.
Айта кетейік, Boxing Fans Worldwide en Español паблигінің 14 мыңнан астам жазылушысы бар, ресурс АҚШ, Мексика және Пуэрто-Рико елдерінің испан тілді бокс сүйер қауымына арналған.