АСТАНА, 18 мамыр — Sputnik. Алматыда Сүйінбай көшесінде велосипедшіні көлік қағып кетті, деп хабарлады Sputnik Қазақстанға құқық қорғау органдары.
Куәгерлердің айтуынша, Mercedes Сүйінбай даңғылымен солтүстік бағытта келе жатқан. Жүргізуші бағыттас велосипедшіні кеш байқап қалып, бар жылдамдықпен соққан, содан кейін тежегішті басып, 40-50 метр жүріп барып тоқтаған. Соққының қатты болғаны соншалық, көліктің төбесін майыстырып жіберген.
Велосипедші өте ауыр халде ауруханаға жатқызылды.