АСТАНА, 15 мамыр — Sputnik. Желіде қолданушылар Шығыс Қазақстанда жауған қардың суреттерімен бөлісіп жатыр.
Қолданушылардың бірі Өскеменнен 85 шақырым жерде орналасқан Сібі көлдерінің суретін жариялаған. Фотоны көріп біреулер таңғалса, біреулер мұңайып жатыр.
"Маусымда қар жауса, таңғалмаспын", "Жаз, қайдасың", "Көктем есінен адасты", — деп жазады қолданушылар.
"Қандай әдемі", "Фотографтар мен суретшілердің шағы", "Тамаша", — дейді басқалары.
Тағы бір қолданушы Зырян ауданындағы жолдың суретін жариялап, астына "Жаз шықпайтын сияқты" деп жазды.
Синоптиктер хабарлағандай, 15-17 мамыр аралығында еліміздің басым бөлігінде жаңбыр жауып, күн күркірейді. Ауа температурасы бұл күндері республиканың солтүстік бөлігінде климаттық нормадан төмендеп, ал оңтүстік өңірлерде нормаға жақын болады.