АСТАНА, 9 мамыр — Sputnik. Ресей президенті Владимир Путин бұрынғы КСРО елдерінің басшыларын, сонымен бірге Грузия мен Украина азаматтарын Ұлы Отан соғысындағы Жеңістің 73 жылдығымен құттықтады, деп хабарлайды Кремль баспасөз қызметі.
"Құттықтау жеделхаттарында Ресей президенті атап өткендей, Жеңіс күні — Отанымызды және бүкіл адамзат баласын фашизмнен құтқару үшін майдан шептерінде бірге шайқасып, тылда жан аямай еңбек еткен халықтарымыздың ерлігі мен бірлігінің символы", — делінген хабарламада.
Атап өтер болсақ, Путин Әзербайжан, Армения, Беларусь, Қазақстан, Қырғызстан, Молдавия, Тәжікстан, Түркменстан, Өзбекстан, Абхазия, Оңтүстік Осетия мемлекет басшыларына, сондай-ақ Грузия мен Украина азаматтарына құттықтау жолдады.