Отан қорғаушылар күніндегі әскери парадтың айшықты сәттері

"Отар" әскери базасының 40-шы полигонында өткен әскери парадқа үш мыңдай әскери қызметкер, 300 әскери техника және 40-қа жуық ұшатын аппараттар қатысты.

Бірнеше айға созылған дайындықтың арқасында әскери парад ерекше өтті.

Sputnik Қазақстан фотолентасын тамашалап, еліміздің ең басты әскери шарасының айшықты сәттеріне куә болыңыздар.

1 / 11

Бірінші бөлімде облыстар мен Астана және Алматы қалаларының әкімдеріне аймақтық қорғаныс бригадаларының әскери жалауы ұсынылды.

2 / 11

Жалаулар ұсынылған соң дәстүрге сай парад қонақтары мен көрермендер алдында 19 парад қорапшасы салтанатты шеру құрып өтті.

3 / 11

"Қазақстандық әскери қызметкерлер – жауынгерлік даңқ пен өткен ғасырдың сұм соғысында фашизмді жеңген ата-балаларымыздың ізін жалғастырушылар. Олардың ерлігі мен туған елінің болашағы үшін ақтық демі қалғанша күрескенін ешқашан ұмытпаймыз", - деді Елбасы жиналғандар алдында сөйлеген сөзінде.

4 / 11

Салтанатты шеруде ҚР ҚК арнайы операциялар күштерінің, Мемлекеттік қорғаныс қызметі, ҚР ІІМ Ұлттық ұлан, сондай-ақ аймақтың жасақтардың әскери қызметкерлері сап түзеді.

5 / 11

2018 жылғы әскери парадқа үш мыңдай әскери қызметкер, 300-ден астам әскери техника және 40-қа жуық ұшу аппараты қатысты.

6 / 11

Қатысушылар 7 мамыр күні көрермендерді тәнті ету үшін бірнеше ай бойы полигондарда жаттықты.

7 / 11

Екінші бөлімде барлау бөлімдері заманауи қару-жарақ пен әскери техниканы пайдалана отырып, шынайы тактикалық іс-қимылдарды халық назарына ұсынды.

8 / 11

Арнайы қызметкерлер "Арлан", "Кобра" және "Хаммер" көліктерінде тапсырма орындау барысын көрсетті.

9 / 11

Тікелей эфирде көрермендер әскерилердің пилотсыз ұшу аппараттары арқылы нысананы көздеп атқанын тамашалады.

10 / 11

Жаяу әскери жасақтардың жаттығулары "Гвардейский" полигонында өткен, ал әскери экипаждар "Матыбұлақ" полигонында дайындалыпты.

11 / 11

Әскери парадтың соңында "Жетісу Барысы" пилотаж тобы әуеде жоғары пилотаж үлгілерін орындады.