АСТАНА, 6 мамыр — Sputnik. Мыңдаған адам қатысқан "Мәңгілік полк" акциясы Женевада ресми түрде өткізілді, деп хабарлайды РИА Новости.
Шеру Адам құқығы бойынша БҰҰ Кеңесі ғимаратының жанынан өтіп, БҰҰ ғимараты алдындағы Ұлттар алаңына қарай бет алды.
Шеруге көшеде жүрген халық қызығушылық танытып, не болып жатқанын сұрай бастаған.
"Мәңгілік полк" шеруіне поляктар отбасы да қатысып, Ұлы Отан соғысында қаза тапқан ата-бабаларының портретін алып шықты.
Астанада "Мәңгілік полк" акциясы 9 мамырда "Отан Қорғаушылар" монументінен "Қазақ елі" монументіне дейін болады.