АСТАНА, 28 сәуір — Sputnik. Қостанай облысындағы Затобол бірінші мектебінің оқушысы Дарья Мельникова жоғалып кетті, деп жазды alau.kz.
Баланың сынып жетекшісі Ұлмекен Тұрлыбекованың айтуынша, сабақ аяқталған соң бүгін сағат 11.30-да қыз үйіне қайтқан. Қазір мектеп мұғалімдері қызды іздеп жатыр.
"Бәріміз жиналдық. Мұғалімдер Затобол кентінен Дашаны іздеп табуға шықты. Полицияға да хабар бердік", — деді Ұлмекен Тұрлыбекова.
Қыз үстіне қызғылт күрте киген. Кімде-кім оның қайда екенін білетін болса 87145527188 немесе 102 нөміріне хабарласуына болады.