АСТАНА, 28 сәуір — Sputnik. Петропавлда тыйым салынған құралмен балық аулағаны үшін ер адам айыппұл төлеуге міндеттелді, деп хабарлады қалалық мамандандырылған әкімшілік сот Sputnik Қазақстан агенттігіне.
Істің материалына сүйенсек, ер адам қала сыртында заңнама ережесін бұзып, тыйым салынған құрал – үш ашалы айырмен балық аулаған.
"Петропавл қаласының мамандандырылған әкімшілік соты ҚР ӘҚК 383-бабы 3-тармағы бойынша ер адамды айыпты деп танып, 20 АЕК (48 мың 100 теңге) көлемінде айыппұл салып, қаруын тәркіледі", — деп мәлімет берді сот.