АСТАНА, 25 сәуір — Sputnik. Алматыда екі көлік соқтығысып, екі адам зардап шекті, деп хабарлайды құқық қорғау органдары Sputnik Қазақстан агенттігіне.
Жол апаты Сәтпаев көшесінде Орталық стадионның алдында болған. Оқиға куәгерлерінің сөзіне сүйенсек, Honda CRV ауладан шығып, батыс бағытта жол тарту үшін Сәтпаев көшесіне бұрылмақ болады. Сол кезде Сәтпаев көшесімен шығыс бағытта Cadillac Escalade келе жатыпты.
Жүргізуші тоқтап үлгермей, бар жылдамдықпен Honda CRV көлігіне соғылады. Қатты соққыдан Escalade қарама-қарсы қозғалыс жолағына шығып кетіп, Honda CRV де шыр көбелек айналып, қарама-қарсы бетке шығып тоқтады.
Жол апаты салдарынан Cadillac жүргізушісі мен Honda жолаушысы зардап шегіп, ауруханаға жатқызылды.